کراچی:: وزیراعظم اور وزیراعلیٰ سندھ کے درمیان ملاقات میں صوبے کے امور اور سیاسی صورت حال پر بھی تبادلہ خیال کیا گیا، اس موقع پر گورنر عمران اسماعیل بھ موجود تھے۔
تفصیل کے مطابق وزیراعظم سے وزیراعلیٰ سندھ سید مراد علی شاہ کی ملاقات گورنر ہاؤس میں ہوئی جس میں مختلف معاملات پر بات چیت کی گئی۔ وزیراعلیٰ سندھ نے وزیراعظم کو زیر التوا ترقیاتی سکیموں، ٹڈی دل کے مسئلے پولیو کے بڑھتے ہوئے کیسز، کورونا وائرس کے جانی نقصانات اور پاکستان میں اس کے ممکنہ اثرات پر بات چیت کی جبکہ گندم کے بحران سے بھی انھیں آگاہ کیا۔
وزیراعظم نے انھیں یقین دلایا کہ جو سکیمز التوا میں ہیں، ان کو وفاقی وزیر اسد عمر کو کہہ کر جلد منظور کروائیں گے۔ جبکہ ٹڈی دل کے خاتمے کیلئے وفاقی حکومت بھرپور اقدامات کرے گی۔
وزیراعظم نے کہا کہ پولیو کے بڑھتے ہوئے کیسز تشویشناک ہیں۔ وہ جلد اس اہم مسئلے پر اجلاس کریں گے جس میں اس موذی مرض پولیو کے خاتمے کیلئے حکمت عملی تبدیل کی جائے گی۔
انہوں نے کرونا وائرس کے بڑھتے ہوئے خطرات کے پش نظر صوبائی حکومتوں کو ڈبلیو ایچ او کی رہنمائی کے حساب سے اقدامات کرنے کی ہدایت کی اور کہ اس کی روک تھام کیلئے تمام ضروری اقدامات کریں گے۔ ان کا کہنا تھا کہ وہ جلد آٹے کے بحران اور نئی فصل کی خریداری کیلئے اقدامات کے حوالے سے اجلاس کرینگے۔
