کراچی:: وزیراعظم عمران خان کل ایک روزہ دورے پر کراچی پہنچیں گے۔ وزیراعظم عمران خان اور وزیراعلیٰ سندھ مراد علی شاہ کے درمیان ملاقات شیڈول ہے۔
ذرائع کےمطابق وزیراعظم عمران خان کل ایک روزہ دورے پرکراچی آئیں گے۔ وزیراعلیٰ سندھ، گورنرسندھ کے ہمراہ ائیرپورٹ پروزیراعظم کا استقبال کریں گے۔ وزیراعظم گورنرسندھ اور وزیراعلی سندھ اور آئی جی سے الگ الگ ملاقاتیں بھی کریں گے۔
وزیر اعظم کو کراچی پیکج سمیت وفاقی منصوبوں پر بھی بریفنگ دی جائے گی۔ وزیراعظم گورنر کے ظہرانے میں بھی شرکت کریں گے۔ کراچی میں تاجر برادری سے بھی ملاقات کریں گے۔ واپسی سے قبل شوکت خانم ہسپتال کے فنڈ ریزنگ پروگرام میں بھی شرکت کریں گے۔
