لاہور:: اداکارہ و ماڈل ریچل گل نے کہا ہے کہ نیا ٹیلنٹ شوبز انڈسٹری کو اندھیرے سے نکالنے میں کامیاب ہوا ہے، فلم انڈسٹری کی ترقی کیلئے پروڈیوسر زاور ہدایتکاروں کو حقیقی معنوں میں اپنا کردار نبھانا ہوگا۔
میڈیا رپورٹ کے مطابق ماڈل ریچل گل نے کہا کہ فی الحال میری توجہ ٹی وی اورماڈلنگ کی طرف ہے، تین چار فلموں کی آفرز ہوئی ہیں لیکن میں معیاری کام کرنے کو ترجیح دیتی ہوں۔
انہوں نے مزید کہا کہ پاکستان میں ٹیلنٹ کی کمی نہیں، میں نے حال ہی میں نجی ٹی وی کا ایوارڈ جیتا، اعزازات کے ملنے سے زندگی میں نئے قدم اٹھانے کا حوصلہ بڑھ جاتا ہے۔
