لاہور:: خوبرو اداکار عمران عباس نے اداکارہ عائزہ خان کی تعریفوں کے پل باندھ دئیے، جواب میں عائزہ نے بھی ان کی تعریف کی اور اپنا بہترین دوست بننے پر مبارکباد دی۔
میڈیا رپورٹ کے مطابق عمران عباس نے اپنی پوسٹ میں لکھا کہ آپ میری سب سے پسندیدہ ساتھی اداکارہ ہیں، یقیناً آپ ایک بہترین اداکارہ ہیں جسے بہترین ٹیلنٹ کے ساتھ نوازا گیا، اللہ تعالیٰ آپ کو مزید کامیابی دے۔
عائزہ نے شکریہ ادا کرتے ہوئے مزاحیہ انداز میں لکھا کہ مجھ سے امید نہ رکھنا کہ میں تمہیں سراہوں گی۔ ایک اور کمنٹ میں اداکارہ نے لکھا کہ حقیقتاًبات کروں تو تم ہمیشہ سے میرے پسندیدہ ساتھی اداکار ہو اور میرا بہترین دوست بننے کیلئے تمہیں مبارک ہو۔
