کوئٹہ:: معاون خصوصی فردوس عاشق اعوان نے کہا ہے کہ بارشوں سے ہونے والے مختلف حادثات میں جاں بحق افراد کے ورثا کو 5 لاکھ روپے اور متاثرہ گھروں کے مالکان کو 50 ہزار روپے فی کس دیئے جائیں گے۔
کوئٹہ میں پریس کانفرنس کرتے ہوئے ڈاکٹر فردوس عاشق اعوان کا کہنا تھا کہ پاکستان کی تیسری بڑی ائیر پورٹ گوادر میں بنایا جا رہا ہے، 17 ارب روپے کی لاگت سے مکران میں ٹرانسمشن لائن بچھائی جائے گی۔
قبل ازیں معاون خصوصی اطلاعات نے کوئٹہ میں ریڈیو پاکستان کا دورہ کیا، اسٹیشن ڈائریکٹر سہیل جعفراور کارکنوں نے معاون خصوصی کا استقبال کیا، اسٹیشن ڈائریکٹر نے ڈاکٹر فردوس عاشق اعوان کو ادارے کے بارے میں تفصیلی بریفنگ دی۔
