لاہور:: ہوم گراؤنڈ پر سری لنکا سے ٹیسٹ سیریز میں معرکہ، آسٹریلیا سے بری طرح شکست کے بعد چیف سلیکٹر مصباح الحق نے نئی حکمت علمی مرتب کرلی، فواد عالم کو سری لنکا کے خلاف ٹیسٹ سیریز میں شامل کرنے کا فیصلہ کر لیا، دیگر نئے کھلاڑیوں کی بھی انٹری ڈٓال دی، امام الحق کی جگہ خطرے میں پڑ گئی۔
قومی کرکٹ ٹیم کی دورہ آسٹریلیا میں بدترین کارکردگی، شائقین کی تنقید چیف سلیکٹر مصباح الحق پر اثر کرنے لگی۔ گیارہ دسمبر سے سری لنکا کے خلاف ہوم سیریز کے لئے چیف سلیکٹر مصباح الحق نے دیگر سلیکٹرز سے مشاورت مکمل کر لی۔
قائداعظم ٹرافی میں شاندار کارکردگی دکھانے والے فواد عالم کو ٹیم میں شامل کیے جانے کا فیصلہ کرلیا گیا ہے۔ فاسٹ بولر عثمان شنواری کی بھی لاٹری نکل پڑی، امکان ہے کہ انہیں ٹیم کا حصہ بنایا جائے۔
ذرائع کا یہ بھی کہنا ہے کہ اوپننگ بلے باز امام الحق کو بری کارکردگی کی بنیاد پر ڈراپ کیا جاسکتا ہے، انکی جگہ بائیں ہاتھ سے بیٹنگ کرنے والے
سمیع اسلم کی واپسی متوقع ہے۔
سلیکشن کمیٹی نے یاسر شاہ پر اعتماد کرتے ہوئے انہیں ٹیسٹ اسکواڈ میں برقرار رکھنے کا فیصلہ کیا ہے، مصباح الحق نے دیگر سلیکٹرز سے ڈومیسٹک پرفارمرز کو بھی طلب کر لیا ہے۔
